“Nuk po mund të qëndroj indiferent ndaj gjendjes aktuale në Siri”. Të gjithë jemi prekur nga maskara që kemi parë javët e fundit në Aleppo. Por ndërsa kemi thënë këtë fjalë, mbështetja jonë ka qenë vetëm në rrjetet sociale.
Ngjarja prek dhe një prej shqiptarëve më të pasur, i cili vendosi të reagojë duke ndihmuar familjet e Aleppo-s.
Biznesmeni dhe politikani nga Kosova, Behgjet Pacolli, ka kontribuar duke u ardhur në ndihmë atyre nëpërmjet fondacionit të tij.
“Pamjet e fundit nga Aleppo janë sinonim i dobësisë njerëzore, ato tregojnë se egoja e njeriut për pushtet nuk njeh limite. Pushteti po ushqehet me gjakun e njomë të fëmijëve të pafajshëm, që në gjendje normale do të ishin e ardhmja e vendit. Popullata civile në atë vend ka mbetur pa shpresë dhe pritjen e vetme që ka është momenti se kur do të vdesin. Kjo është e pafalshme, e papërsëritshme dhe e tmerrshme!”, shkruan Pacolli përmes një statusi në “Facebook”.
Kjo ngjarje duket se për biznesmenin lidhet me atë që përjetuan shqiptarët e Kosovës, ndërsa thekson se plagët e lëna janë ende të hapura për popullin.
“Këto ditë jam angazhuar maksimalisht që nëpërmjet fondacionit tim t’i dal në ndihmë popullatës civile në Aleppo. Është më e pakta që mund të bëj në këto rrethana të vështira. Populli ynë që ka përjetuar historikisht tragjedi dhe ka qenë viktimë e krimeve ndaj njerëzimit i përjeton shumë rëndë ato pamje. Plagët tona janë ende të hapura”, përfundon statusi i tij.
Burimi: Facebook
