Moderatorja Arbana Osmani ndan shpesh me ndjekësit në rrjete sociale receta të gatimeve të shijshme që u bën familjarëve të saj.
Shpeshherë, në kuzhinë angazhohet edhe i vogli i saj Joni, i cili përpiqet ta ndihmojë mami Arbanën me aq sa mundet.
Duket se edhe Joni ashtu si Arbana e ka pasion gatimin dhe është gjithmonë prezent në kuzhinë.
Së fundmi, ata kanë përgatitur së bashku biskotat e festave dhe gjejeni pak kush tjetër “po ndihmonte” në gatim përveç Jonit? I vogli Diell!
Moderatorja ka ndarë në InstaStory një video ku shfaqet dora e bebushit, ndërsa krahas postimit shkruan:
“Marrim pjesë të gjithë natyrisht!”
Në fakt, ne jemi shumë kuriozë të shohim portretin e Diellit të cilin e kanë mbajtur larg rrjeteve sociale dhe duam të mësojmë sa më parë se cilit prej prindërve i ngjan më shumë!
