Një 47-vjeçare nga fshati Tapi në rrethin e Kuçovës i ka dhënë fund jetës pasditen e sotme, duke pirë disa kokrra fostoksinë.
Lulzime Mema, nëna e 3 fëmijëve, dy vajzave dhe një djali, ka qenë e vetme në banesë në momentin që ka pirë lëndën helmuese. Ajo është gjetur ende me shenja jete në dhomë nga djali i saj 17-vjeçar, i cili ka lajmëruar menjëherë Urgjencën dhe policinë.
47-vjeçarja Mema është transportuar drejt Spitalit Rajonal të Beratit, ku ka ndërruar jetë rreth 30 minuta më vonë.
Ende nuk dihen shkaqet që e kanë çuar nënën e 3-fëmijëve drejt vetëhelmimit, ndërkohë sipas policisë konfirmohet se gruaja kishte kohë që vuante nga depresioni dhe ankthi.
