Revista prestigjioze, Vanityr Fair ka dështuar me kopertinën e të fundit, ku kishte mbledhur një numër të madh yjesh Hollivudi, përfshi këtu, Oprah, Robert DeNiro, Nicole Kidman dhe Reese Witherspoon etj.
Të famshmit kishin pozuar pranë njëri-tjetrit, por dy gabime në Photoshop-shkatërruan atë që do të ishte kopertina e vitit.
Reese doli me tre këmbë, kurse Oprah e ulur krah saj me tre duar, një e vendosur në prehër, tjetra në bel, tjetra në shpinën e yllit të ‘Legally Blonde’.
Pas këtij gabimi trashanik, ka reaguar edhe aktorja bionde Reese, e cila shkruan në Twitter:
“Epo, ma merr mendja se tani të gjithë e dini që kam 3 këmbë. Shpresoj që të më pranoni për atë që jam. Nuk do të kërkoj kurrë falje që u struka pas Oprah-s. Ua rekomandoj ta bëni”.
Edhe Oprah reagoi duke i thënë Reese: “E pranoj që këmbën tënde 3D. Me sa di, ti pranove 3 duart e mia”!
James Franco ishte gjithashtu i pranishëm në kopertinën e revistës, por është fshirë pas zërave që e lidhin me ngacmime seksuale.
