Policia ka bllokuar lundrimin e të gjithë motorëve të ujit në plazhin e Velipojës.
Lajmi vjen një ditë pas ngjarjes tragjike të ndodhur në Velipojë, ku një 17-vjeçare u gjet e pajetë në det pasi kishte dalë me motor uji me një 25-vjeçar.
Uniformat blu kanë bërë edhe sekuestrimin e mjetit me të cilin po udhëtonte 17-vjeçarja Enisa Doda bashkë me Indrit Bajraktarin.
anë qenë pronarët e motorit të ujit ata të cilët kanë nisur kërkimet në det, pasi të rinjtë kishin paguar për vetëm 30 minuta. Ata takuan fillimisht të riun i cili në dëshminë e tij ka gënjyer.
Ai po kthehej me not në breg dhe kur është pyetur nga pronarët e skafit ka deklaruar se “vajzën e ka marrë xhaxhai i saj”.
Doda është me origjinë nga Burreli, por banues në Bathore. Për ngjarjen e rëndë është ndaluar Indrit Bajraktari nga Postriba ku po merret në pyetje.
/ABC News
