Një person rezultoi pozitiv me Koronavirus brenda redaksisë së emisionit të famshëm investigativ “Le Iene”.
Programi është pezulluar deri në një verifikim të plotë shëndetësor të stafit, i cili do të qëndrojë në izolim në shtëpi.
“Episodet e rradhës të programit nuk do të transmetohen në pritje të zhvillimeve mbi situatën”, thuhet në njoftimin zyrtar.
Italia ka marrë sot masa emergjente pasi 233 persona kanë vdekur nga Koronavirusi dhe mbi 5 mijë të tjerë janë infektuar.
Me qëllim ndalimin e përhapjes së virusit COVID-19 në të gjithë territorin e Lombardisë dhe në territoret e 15 provincave, ndalohet çdo lëvizje e personave fizikë, me përjashtim të lëvizjeve të motivuara për nevoja pune ose shëndeti.
“Po përballojmë një emergjencë kombëtare, u shpreh gjatë konferencës kryeministri italian. “Kërkoj të jemi vetë përgjegjës. Masat janë të rrepta e do të sjellin probleme , por kërkohet sakrificë nga të gjithë”, shtoi ai.
/TGcom24
