Defekti teknik bëhet shkak për shtyrjen e udhëtimit të delegacionit shqiptar nga Singapori në drejtim të Shqipërisë. Avioni me të cilin udhëtonte kryeministri Edi Rama, bashkë me delegacionin shqiptar mësohet se pësoi një defekt në motor.
Delegacioni shqiptar duhet të ishte nisur rreth 4 orë më parë, por fluturimi u anulua dhe avioni u kthye sërish në aeroport. Mësohet se delegacioni do të udhëtojë drejt Shqipërisë me një ditë vonesë për shkak të avarisë.
Rama shoqërohet në këtë vizitë zyrtare nga ministri i Energjisë dhe Industrisë Damian Gjiknuri, ministrja e Ekonomisë Milva Ekonomi, Guvernatori i Bankës së Shqipërisë, Gent Sejko, si dhe një grup sipërmarrësish shqiptarë.
