Pedagogu i Universitetit “Aleksandër Xhuvani” është dërguar sot me urgjencë në spitalin “Nënë Tereza”.
Mediat raportojnë se për shkak të gjendjes së rënduar psikologjike Denis Himçi ka pësuar atak kardiak dhe nuk dihet ende gjendja e tij shëndetësore.
Kur pësoi atakun kardiak ai ndodhej në paraburgim, ku po qëndronte prej dy ditësh.
Denisi u denoncua në emisionin investigativ “Stop” nga një studente, pasi i kërkoi favore seksuale.
Në këmbim të marrjes së provimeve ai i kërkoi studentes favore seksuale dhe sipas të dhënave ky nuk është rasti i parë.
Pas bërjes publike të ngjarjes pedagogu është pezulluar nga puna dhe vendimi përfundimtar do të merret pas zbardhjes së plotë të ngjarjes.
