Aktori Leslie Jordan ka ndërruar jetë në moshën 67 vjeçare, të hënën në mëngjes si pasojë e një aksidenti me makinë.
Lajmi është konfirmuar nga përfaqësuesi i Jordan për Page Six. Përfaqësuesi i Leslie Jordan gjithashtu postoi në Instagramin e tj një mesazh ku thuhet:
“Dashuria dhe drita që ndau Leslie nuk do të shuhet kurrë dhe ne ju ftojmë të ndani kujtimet tuaja dhe të ngushëlloni njëri-tjetrin gjatë kësaj kohe. Në ditët në vijim ne do të japim një paraqitje të shkurtër të një projekti për të cilin Leslie ishte vërtet krenar dhe mezi priste ta ndante me botën.”
Komediani i famshëm ishte duke vozitur në Hollywood kur, më vonë dyshohet, se pësoi një lloj urgjence mjekësore dhe përplasi BMW-në e tij në anë të një ndërtese.
Ylli i “American Horror Story” ishte gjithashtu i njohur për punën e tij në “Will & Grace”, “Hearts Fire” dhe “Call Me Kat”.
Fama e Jordan u rrit gjatë pandemisë kur ai u bë viral në rrjetet sociale për videot e tij komike. Ndjekësit e tij në atë kohë u rritën nga 50,000 në 5.8 milionë, siç janë aktualisht. Ai tha asokohe për “TMZ Live” se sekreti i tij ishte vetëm të qenit vetvetja — një qytetar i moshuar, qesharak, budalla dhe me fat.
Në videot e tij, aktori dokumentoi shumë nga aktivitetet e tij të zakonshme të përditshme, nga përpjekjet për të ndjekur një video ushtrimesh deri te ritualet e mëngjesit të tij, të cilat mund të përfshijnë edhe shikimin e pornografisë.
“Oh, mos guxoni të më gjykoni. Ju të gjithë jeni atje jashtë duke e bërë atë. Të paktën mund ta shikoj. Është më mirë se CNN”- i qortoi ai shikuesit gjatë segmentit të tij të mëngjesit.
Një yll i hapur homoseksual, Jordan tha me shaka për Page Six duke se ai e dinte se ishte homoseksual “që nga lindja”.
“Rashë nga barku dhe zbarkova në takat e larta të nënës”, tha kohë më parë ai.
Gjatë gjithë karrierës së tij, Jordan gjithashtu foli edhe për çështjet e tij të abuzimit me substancat dhe dhe aklkoolin.
“Kushdo që ka probleme për të lënë pijen, provoni Kullat Binjake që është burgu i burrave në LA, kjo do t’ju bëjë esëll,” tha ai me shaka.
Jordan pati treguar gjithashtu se u ngjit në “parajsën e homoseksualëve” kur pati mundësinë jo vetëm të takonte Dolly Parton, por edhe të regjistronte me të për një nga albumet e saj vitin e kaluar.
“Ajo ishte përgatitur e gjitha për një speciale për Krishtlindje dhe ajo ishte si një fëmijë kukull. Të gjithë thonë, ‘Epo, si ishte ajo?’ Dhe unë them, ‘Epo, ju e dini saktësisht se si është ajo.’ Ajo ishte kaq e vogël me atë bel të vogël,” tha ai.
