Gazetarja 31-vjeçare Adelajda Xhamani u nda nga jeta në mënyrë të papritur më 29 tetor të vitit 2017.
Sot mbushen plot pesë vite nga humbja e gazetares së njohur dhe ish-banores së “Big Brother” dhe mikesha e saj Isida Mollaymeri i ka bërë një dedikim të ndjerë në rrjetet sociale.
“Më mungon 💔
Kur njerëzit thonin që s’ka për ta pranuar kurrë atë që i ndodhi unë se kuptoja… Deri para 5 vitesh kur ti ike. E pra unë akoma se kam pranuar ikjen tënde. Me mungon pafund Adel.
My A… @adelaxhamani”- shkruan balerina e njohur në një postim në rrjetet sociale.
View this post on Instagram
Vdekja e Adelajdës
Gazetarja 31-vjeçare Adelajda Xhamani ndërroi jetë papritur në orët e para të mëngjesit të datës 29 tetor të këtij viti. Ajo ndodhej e vetme në apartamentin ku jetonte me qira, në rrugën “Muhamet Deliu”, kur ka nisur të ketë shqetësime. Në orët e para të mëngjesit ajo i ka telefonuar shoqes së saj, duke i kërkuar që të lajmëronte një ambulancë, pasi nuk po mbushej dot me frymë.
“Nuk po mbushem dot me frymë”, mësohet t’i ketë thënë shoqes së saj. Pas kësaj telefonate, shoqja e Adelës ka lajmëruar menjëherë ambulancën, familjarët e saj, por edhe disa miq të përbashkët. Ambulanca ka mbërritur shumë shpejt në adresën e dhënë, por duke qenë se nuk dihej me saktësi apartamenti i Adelës, mjekët kanë pritur derisa miqtë e saj kanë mbërritur aty me një taksi. Të gjithë janë ngjitur bashkë në katin e katërt. Dera është gjetur gjysmë e hapur, pasi në momentin që po fliste në telefon me shoqen e saj, Adela nga frika se gjendja e saj mund të përkeqësohej, i ka thënë se do ta hapte derën.
Ndërsa në momentin që janë futur brenda, ajo është gjetur e shtrirë në korridor. Mjekët nuk kanë konstatuar shenja jete, megjithatë e kanë marrë me ambulancë e janë nisur drejt QSUT-së. Si orë e vdekjes është shënuar 05:10, kohë që përkon me momentin kur mjekët janë futur në apartamentin e saj dhe e kanë konstatuar pa shenja jete.
