Të gjithë duam të kemi vetëbesim të lartë, por ndonjëherë na mungon. Psikologu Guy Winch tregon disa mënyra të zgjuara se si ne mund të ndihmojmë veten për të rritur vetëbesimin.
Këtu janë pesë mënyra për të ushqyer vetëvlerësimin tuaj kur ai është i ulët:
- Përdorni vetëm pohimet pozitive
Pohimet pozitive të tilla si “Unë do të kem sukses!” janë jashtëzakonisht të njohura, por ata kanë një problem kritik – ata priren t’i bëjnë njerëzit me vetëbesim të ulët e të ndihen më keq për veten e tyre. Pse? Sepse kur vetëbesimi ynë është i ulët, deklarata të tilla janë thjesht shumë në kundërshtim me besimet tona ekzistuese. Mirëpo ju mund ta ndryshoni shprehjen: “Unë do të kem sukses!” duke thënë “Unë do të ngulmoj derisa të kem sukses!”. Kjo shprehje mund t’ju ndihmojë.
- Identifikoni kompetencat tuaja dhe zhvillojini ato
Vetëbesimi ndërtohet duke demonstruar aftësi dhe arritje në fushat e jetës sonë që kanë rëndësi për ne. Nëse jeni krenarë që jeni një kuzhinier i mirë, organizoni më shumë darka. Nëse jeni një vrapues i mirë, regjistrohuni në gara dhe stërvituni për to. Me pak fjalë, kuptoni kompetencat tuaja dhe gjeni mundësi për t’i zhvilluar edhe më shumë ato.
- Mësoni të pranoni komplimente
Një nga aspektet më të ndërlikuara të përmirësimit të vetëbesimit është se kur ndihemi keq me veten, priremi të jemi më rezistent ndaj komplimenteve – edhe pse atëherë kemi më shumë nevojë për to. Menjëherë kur ju komplimentojë, ju mund të përgjigjeni edhe shkurt duke thënë “Faleminderit”.
- Eliminoni autokritikën
Fatkeqësisht, kur vetëbesimi ynë është i ulët, ka të ngjarë ta dëmtojmë atë edhe më shumë duke qenë vetëkritikë. Meqenëse qëllimi ynë është të rrisim vetëvlerësimin, duhet ta zëvendësojmë vetëkritikën me dashurinë për veten.
- Pohoni vlerën tuaj
Kemi një ushtrim të këndshëm për ju! Bëni një listë të cilësive që keni. Listojini ato dhe lexojani shpesh vetes. Kjo gjë do t’ju bëjë të ndiheni më mirë.
