Luiz Ejlli është një nga banorët më të spikatur dhe më të pëlqyer të “Big Brother Vip” nga publiku deri më tani. Ndikimi i tij në shtëpi është i dukshëm, duke bërë që edhe nga banorët të shihet si një konkurrent shumë i fortë.
Ndër temat dhe shakatë e tij së fundmi ai ka përmendur edhe disa nga banorët e edicionit të parë të “Big Brother Vip”. Teksa po bisedonte me Bjordin, këngëtari ka përshkruar si e shihte dikur partneren e tij ideale.
Sipas Luizit, femra e tij ideale dikur duhet të ishte: “Inteligjente si Beatrix, besnike si Donaldi, e sinqertë si Monika dhe e drejtpërdrejtë si Arjola.”
@_bigbrothervip2 Cfare mendoni per femren “ideale” te Luizit? #viral #fypシ #luizejlli #bigbrothervipalbania ♬ original sound – bigbrothervip2
Nga ana tjetër më herët gjatë ditës së sotme në një bisedë me Bjordin në “Big Brother Vip”, këngëtari Luiz Ejlli ka folur edhe për humbjen e të atit dy vite më parë.
Luizi tregoi se e ka humbur të atin në natën e Krishtlindjeve, madje kishte folur në telefon me të disa orë para se të merrte lajmin e trishtë.
“Para dy viteve, natën e Krishtlindjeve. Natën që hyra këtu ishte dy-vjetori. Shyqyr që iku pa vuajtje. Ishim shumë të lidhur. Atë natë më ka marrë 4 orë para për të më uruar Krishtlindjet”– tha Luizi.
Më tej Luizi tregon se si ka ndërruar jetë babai i tij, teksa rrëfen që e vetmja gjë që i mbetet merak është fakti se nuk ka qenë aty pranë tij në momentet e fundit.
