Këngëtarja Fifi ishtë pjesë e edicionit të parë të “Big Brother Vip” dhe u komentua shumë edhe pse nuk arriti të fitonte. Ajo është shprehur se cilat ishin arsyet që e bindën të ndërmerrte një rrugëtim të tillë duke thënë se donte një eksperiencë ndryshe në jetë pasi pandemia e kishte lodhur.
“Në BBV kam hyrë për dy arsye. Kisha dy vite që kërkoja një eksperiencë të re në jetë.Doja realisht me shiju diçka ndryshe pas pandemisë që më shkatërroi komplet energjinë e pastër që kisha. Përveç pjesës që ne artistët ramë përtokë nga ana financiare, i vetmi vend ku mund të investonim ishte “YouTube”, nëse kishe lek të ndara për të investuar në rregull. Fatmirësisht unë kam pasur dhe kam punuar. Kur më erdhi oferta për në BBV, në fillim isha me një “Jo”. Pastaj mendova se kam vite të tëra që po e kërkoj këtë eksperiencë”- u shpreh Fifi.
Ndërsa si arsyen tjetër ajo përmendi se flitej të riktheheshim sërish në karantinë, të cilën mund ta shijonte në BBV.
“Përveç kësaj arsyeja tjetër është se diskutohej që do të hynim sërish në karantinë dhe thashë “sa rri te shtëpia rri këtu”. Një gabim shumë i madh i imi ishte se nuk hyra të shihja përpara sistemin e “Big Brother”. Por edhe nëse do e kisha marrë vesh si funksiononte prapë do të kisha qenë e njëjta”- përfundoi ajo.
