Marrëdhënia miqësore mes presidentit të sapozgjedhur të SHBA-ve, Donald Trump dhe reperit Kanye West, nuk ishte e mjaftueshme sa për ta ftuar atë të marrë pjesë në ceremoninë e përurimit të presidentit të zgjedhur.
Përkundër raporteve të mëparshme se Trump e ka pasur të vështirë të gjejë artistë për të performuar në ceremoninë e tij, kryetari i Komitetit të Ceremonisë së Inaugurimit, zbuloi në një intervistë për CNN të martën se, Kanye nuk është ftuar për të performuar sepse “nuk është rasti”. Ai gjithashtu tha se muzika e reperit nuk është “tradicionalisht amerikane”, apo e përshtatshme për eventin, pavarësisht faktit se hip hop-i ka lindur në Shtetet e Bashkuara.
Damn @kanyewest couldn’t even get to perform at this friend @realDonaldTrump‘s inauguration b/c the event is “Traditionally American”. pic.twitter.com/wu3EezncR2
— Unstripped Voice (@UnstrippedVoice) January 18, 2017
“Ne nuk i kemi kërkuar atij të performojë. Ai është i paparë. Përveç kësaj, ai e konsideron veten mik të presidentit të zgjedhur, por nuk është në listën tonë”, ka thënë Tom Barrack.
“Lista që kemi ne është e mbushur plot, madje me shumë emra të paparë dhe do të jetë diçka tradicionale”, ka shtuar ai.
Vitin e kaluar, West tregoi në një koncert se kishte votuar për Trump, ndërkohë, dhjetorin e kaluar, ai u takua në kullën “Trump” për të diskutuar “çështje multikulturore”.
Trump nuk ka rezervuar artistë të nivelit të lartë, pasi ka perceptuar një ide krejt tjetër të inaugurimit. Gjithsesi, kjo mbetet për t’u parë.
Burimi: Marie Claire
