Tregu dhe shitjet lokale po i nënshtrohen gjithnjë e më shumë internetit. Megjithëse në Shqipëri ka shume histori suksesi të kompanive që shesin online, shqiptarët sërish janë pak skeptikë në lidhje me një nga industritë që po ndryshon botën. Ja përse blerjet onlinë ofrojnë mundësi të jashtëzakonshme:
Dyqanet janë të personalizuara
E dini se sa kohë nga jeta juaj duhet të harxhoni për të gjetur një CD nga artisti juaj i preferuar, ose një një fustan apo çantë të markës tuaj të preferuar? Pafund. Sot shitjet online ju ofrojnë çdo gjë. Dyqanet online të personalizuara që janë larg veç një klikim. Artikuj nga më prestigjiozët tashmë gjenden shumë thjesht vetëm me anë të telefonit tuaj.
Koha është para
Me blerjet online shpenzimet janë minimale, kostot inekzistente dhe produkti patjetër që ju dorëzohet ku të doni ju sipas dëshirës. Një nga faktorët kryesor të përballjes mes shitjeve tradicionale dhe atyre online është dhe koha e cila shndërrohet gjithmonë në para dhe është një nga kostot më të mëdha ekonomike.
Shërbimi ndaj klientit funskionon
Në shitjet online çdo departament është i gatshëm për të pranuar pyetjet tuaja dhe kërkesat tuaja që mund të jenë më tepër se specifike. Në dyqanet online shumë kanë mundësi që të ofrojnë dhe 24/7 përkujdesje online.
Klienti ka gjithmonë të drejtë
Nëse produkti i cili ka nuk është ai që ka kërkuar, ka difekt, ose nuk i plotëson të gjitha ato që ai donte produkti mund të kthehet dhe bashkë me lekët. Nuk ndodh e njëjta gjë në tregun tradicional ku rrallë herë mund të kthehet çfarëdo lloj produkti që blihet.
Krahasimi i çmimeve në kohë rekord
Me dyqanet online mund t’i krahasoni çmimet në kohë rekord dhe të vendosni për atë çmimin që ju leverdis më shumë duke blerë mallin që dëshironi menjëherë. Mallrat mund të krahasohen nëpërmjet të gjitha specifikave të tyre dhe në kohë reale duke vënë në pah gjithë avantazhet dhe disavantazhet e një produkti nga tjetri.
Verifikoni besueshmërinë e shitësit
Ju keni mundësi të njihni sa më mirë atë që po ju shet produktin. Nëse ai është i besueshëm ose jo, nëse ai ofron mall dhe produkte të besueshme. Nëse në të shkuarën nuk kishit asnjë mundësi të njihnit shitësin tuaj, sot shitjet online ju japin mundësinë për të pasur një transparencë.
