Nëse vera juaj ka qenë “e fiksuar pas të zezës”, atëherë më mbërritjen e shtatorit duhet të jepni sinjalin e duhur për ndryshimin e stinëve.
Edhe pse një veshje shumëngjyrëshe mund të duket jashtë kohe, një bluzë apo këmishë me ngjyrë të ndezur, është perfekte për vjeshtë për t’u kombinuar me ngjyrat tipike të errëta të saj.
Po e verdha a duhet konsideruar? Sigurisht që nëse do të ishte e bardhë, do të shkonte me gjithçka, por me të verdhën a shkon çdo gjë?
E verdha është zgjedhja më e mirë për pamje të gjallë: pasi i tillë është deklarimi i saj, aftësitë e ngjyrës për të vjedhur vëmendjen. Në këtë moment, gjithçka tjetër që mund t’i shtoni paraqitjes suaj, kërkon përpjekje minimale.
Mund të vishni një palë xhinse të errëta, një fund të zi apo të bardhë, kjo gjë s’do lodhje. Një ngjyrë e tillë e ndryshon veshjen tuaj të përditshme, sepse ndriçon gjithçka.
Bluzë nga Michael Kors (Bli këtu)
Po e kuqja? Kjo nuk duhet të jetë një pyetje për këtë sezon, por një pohim: Po, e kuqja është ngjyra e vjeshtë-dimër 2017. Kjo ngjyrë, e cila shpesh herë është seksualizuar, kësaj radhe është më e rafinuar, dhe qëndron si një trend që na bën të afrueshëm në si njerëz.
Natyrisht, ngjyra nuk është asgjë e re në sferën e modës duke menduar këtu Cindy Crawfords në vitin 1991, apo Julia Robert te filmi “Pretty Woman”. Nuk ishte aspak një koincidencë që dizajnuesit vendosën të shfaqin të kuqen në disa nga modelet më të nxehta të momentit.
Këmishë Mangano e kuqe (Bli këtu)
Te Fendi, të gjitha modelet kishin veshur çizme të kuqe të gjata, dhe Kendall Jenner kishte veshur edhe një pallto të kuqe, çantë apo syze me skelet në të njëjtën ngjyrë. Te Max Mara, Gigi Hadid u paraqit me të kuqe nga koka te këmbët me pantallona të gjera, pallto dhe këpucë që përputheshin me nuanca të ndryshme të të kuqes.
Kështu nëse jeni fanse e ngjyrës së kuqe, guxoni për ta veshur nga koka te këmbët, vetëm mos harroni ta thyeni me nuanca të ndryshme të saj për të përcaktuar paraqitjen tuaj.
Burimi: Iconstyle.al
