“Pearl”, titulli i serialit i krijuar nga Markle, është anuluar zyrtarisht, raportoi Deadline të dielën.
Shfaqja, e cila u krijua nga Dukesha e Sussex përmes “Archewell Productions”, ishte ende vetëm në fazën e zhvillimit por është anuluar për shkak të uljes së numrit të abonentëve në platformën Netflix.
Markle dhe Princi Harry themeluan “Archewell Productions” në vjeshtën e vitit 2020 në një përpjekje për të krijuar seriale, dokumentarë, dokumentarë artistikë dhe programe për fëmijë. Pearl pritej të ishte seriali i parë i animuar i krijuar nga kompania e prodhimit.
Pavarësisht largimit të “Pearl”, burime pretendojnë se Netflix mbetet optimist për marrëveshjen me “Archewell” dhe ka një numër projektesh të planifikuara.
Netflix ka bërë disa shkurtime ditët e fundit, duke përfshirë heqjen e dy shfaqjeve të tjera për fëmijë dhe shkarkimin e stafit.
Markle njoftoi programin e anuluar tashmë korrikun e kaluar. Ajo po merrte rolet e ‘krijueses dhe producentes ekzekutive”- duke shënuar herën e parë që ish-aktorja dhe ylli i “Suits” do të punonte në këtë pozicion. Markle tha se Pearl do të “thurë së bashku fantazinë dhe historinë” ndërsa fokusohet “në aventurat e një vajze 12-vjeçare” ndërsa ajo përpiqet të “kapërcejë sfidat e përditshme të jetës”.
Ndërsa ishin publikuar pak detaje rreth serialit, shumë besuan se shfaqja bazohej të paktën pjesërisht në fëmijërinë e vetë Markle, duke përmendur se si ajo e quajti shfaqjen dhe personazhin e tij kryesor Pearl, i cili është kuptimi i origjinës së emrit të saj.
