E keni parasysh shprehjen ”Burrat dashurojnë biondet, por në fund martohen me brunet”? Por nëse do ju pyesnim a e dini cilat femra pëlqejnë meshkujt, të shkurtrat apo të gjatat, me siguri do t’ju tingëllonte pyetje e pakuptimtë dhe jo vetëm.
Sipas një studimi të psikologut holandez, Gert Stulp, mbështetur nga Universiteti i Groningen, meshkujt janë më të tërhequr nga femrat e shkurtra. Arsyeja duket se është një faktor gjenetik.
Gjatësia e shkurtër e femrës përfaqëson për burrin një ideal të butësisë dhe dashurisë.
Sipas studimit, ndër të tjera, te femrat e shkurtra ka një prani më të madhe estrogjenesh, ose hormonesh femërore, që nga ana tjetër janë të reduktuara te femrat e gjata.
Në këtë studim morën pjesë 10 mijë çifte britanike dhe në fund të tij statistikat ishin në favor të femrave e shkurtra”petite”.
Njëkohësisht studimi provoi se femrat tërhiqen nga meshkujt më të gjatë, sepse gjatësia do të thotë për to një mbrojtje të nevojshme, një farë niveli shoqëror, kulturor dhe shëndet të mirë.
