Seksualizimi i figurës së femrës nuk është ndonjë habi apo ndodhi e re pasi shpeshherë e shohin nëpër media apo rrjete sociale. Në puntatën e fundit të emisionit “Më lër të flas”, i cili drejtohet nga vëllezërit Veshaj, Romeo dhe Donald, ishin të ftuara bukuroshet Megi Pojani dhe Beniada nga BBV.
Ajo çfarë ra në sy ishte një lojë e organizuar me vajzat të cilat duhet të këndonin karaoke me një këngë të njohur dhe të dinin tekstin përndryshe do spërkateshin nga mikrofoni me qumësht. Një skenë e tille vjen shumë e hidhur nga ekrani sidomos në një orar të papërshtatshëm ku programi ndiqet nga mosha të ndryshme.
Kjo lojë është luajtur dhe javën e kaluar por në vend të qumështit u spërkat ujë në fytyrat e reperave Mc Kresha dhe Lyrical Son. Hmm… mos ndoshta nuk pati mjaftueshëm fonde atë javë për qumësht?
Kjo lojë përveçse e realizuar jo mirë, është edhe e kopjuar nga Jimmy Fallon dhe “The tonight show”, duke treguar dhe mungesën e kreativitetit.
Jo vetëm kaq por gjatë gjithë spektaktit gjuha e përdorur kundër vajzave, e sidomos ndaj Megi Pojanit, ishte tepër seksiste dhe nuk ishte e vështirë të dallohej që Megit nuk po i pëlqente kjo. Madje në një moment Donaldi i thotë Megit “je e pacipë”.
Mund të kuptojmë që disa gjëra mund të bëhen dhe thuhen në kuadrin e shakasë por a mund të mbash një emision të tërë bazuar në shaka dhe fraza seksiste?
Ne besojmë se humori shqiptar ka më shumë se kaq për të ofruar.
