A keni parë ndonjëherë një film në lidhje me një marrëdhënie që duket shumë më e mirë se juaja? Më emocionuese, më e pasionuar, më shumë argëtuese? Kush mund të konkurrojnë me Ryan Gosling dhe Emma Stone në “La La Land”? Apo me Ryan Gosling dhe Emma Stone në “Crazy, Stupid Love”.
Në të vërtetë duhet të fajësoni shkrimtarët e Hollivudit për projektimin e marrëdhënieve që janë të bazuara në fantazi. Ata kanë një armë shumë të fortë për t’i bërë ato të duken kaq të bukura, dhe kjo armë quhet, montazh.
Për të kuptuar përse e doni kaq shumë partnerin tuaj, ne ju sugjerojmë një terapi të shpejtë dhe të lehtë për të kujtuar sesa e madhe marrëdhënia juaj është në të vërtetë. Provoni të kujtoni gjërat e mëposhtme:
-Një moment nga takimi i parë me partnerin tuaj.
-Kohën kur partneri juaj ju dha një dhuratë që ishte absolutisht e përsosur.
-Puthjen tuaj të parë.
-Kur keni bërë aktivitet fizik së bashku.
-Një çast romantik kur keni bërë dashuri.
-Kur keni qeshur së bashku aq shumë në lidhje me diçka.
-Një moment nga pushimet që nuk do ta harroni kurrë.
-Prezantimi i tij me miqtë tuaj.
-Një nga qindra momentet e qeta në shtëpi, duke parë TV dhe duke u përkëdhelur.
Sigurisht, ka shumë më shumë “skena”, që ju mund të zgjidhni nga jeta juaj . Kur kuptuat që gruaja juaj ishte shtatzënë, nata që festuat përvjetorin tuaj së bashku, kur keni parë hapat e parë të fëmijës suaj, etj. Natyrisht, jeni të lirë të mendoni për skena unike në marrëdhënien tuaj.
Tani mblidhini të gjitha këto momente së bashku, dhe zgjidhni një kolonë zanore që do t’ia bashkëngjisni: diçka nga Leonard Cohen, ndoshta? Një këngë të Beatles? E zgjodhët? Dhe ja ku e keni krijuar montazhin tuaj dhe është më i mirë se çdo montazh tjetër që mund të shihni në kinema apo TV. Kështu që herën tjetër kur të keni dyshime për marrëdhënien tuaj, veproni kështu dhe kujtoni skenat më të bukura në mendje.
Burimi: Womenshealthmag.com
