Ish-miss Shqipëria, Almeda Abazi, e cila vazhdon karrierën e saj në Turqi, ka pranuar se ka bërë një ndërhyrje estetike në fytyrë, pasi nuk i pëlqente pamja e saj.
Në një intervistë për ‘Pasdite në Top Channel’, Almeda ka pranuar publikisht se ka bërë një ndërhyrje estetike në hundë.
“Nuk e kam problem të flas për këtë. E kam pranuar gjithmonë që kam bërë ndërhyrje estetike në hundë”- u shpreh ajo.
Më pas Almeda rrrëfeu arsyet që e shtynë drejt këtij vendimi.
“Nuk kam patur probleme me hundën, madje e kam patur shumë të vogël. Por kur dilja në ekran diçka ndodhte. Nga hijet apo diçka tjetër, hunda ime dukej tjetër për tjetër. Unë flisja dhe e kisha mendjen tek mënyra si dukesha dhe kjo nuk është diçka e mirë për dikë që është në ekran”.
Almeda shtoi se njerëzit e kanë të lehtë të gjykojnë kur të shohin në ekran, por nuk e kuptojnë që personat që dalin në televizion, janë aty pikërisht për ta dhe ajo është e mendimit se kushdo që punon para kamerave duhet ta bëjë diçka nëse e shqetëson.
