Ekipi i tij fillimisht i mohoi raportet se Drake u përplas me policinë në Suedi dhe u arrestua, por mesa duket kjo paska qenë e vërtetë.
Thashethemet ishin se Drake u arrestua për akuza të lidhura me marihuanën ndërsa po festonte në një klub suedez javën e kaluar. Ekipi i Drake më pas informoi se ai nuk u arrestua dhe se ishte në hotelin e tij.Por ishte vete Drake i cili postoi urdhër-ndalimin e policisë në faqen e tij në Instagram.
Ndërsa shumica e imazheve e tregonin atë duke kërcyer dhe biseduar me miqtë dhe shokët e tyre të argëtimit, ishte një foto e një dokumenti që autoritetet suedeze i dhanë atij që konfirmon të gjitha spekulimet masive gjatë ditëve të fundit se ai ishte në telashe.
Në pjesën e sipërme majtas të dokumentit lexohet ‘polisen’, me titullin, ‘Informacion për ata të dyshuar për një krim dhe më pas të ndaluar’.
Ato të drejta ndahen në pika në printim, duke filluar me atë se si të dyshuarit kanë të drejtë të ‘të dinë se për çfarë jeni të dyshuar dhe pse jeni të ndaluar’.
Dokumenti thekson gjithashtu se Drake “merr ndihmën e një avokati mbrojtës, i cili në kushte të caktuara mund të paguhet nga shteti” dhe se ai mund “të marrë ndihmën e një përkthyesi gjatë marrjes në pyetje nëse është e nevojshme”. Pjesa tjetër e dokumentit vazhdon duke folur për hapat e ardhshëm që do të ndodhin në lidhje me procedurat.
