Sot në “Për’puthen” nuk kanë munguar deklaratat e forta për ditën e Shën Valentinit.
Në një takim katër minutash, mes emocionesh, Meliku u deklarua se do të jetë vetëm për Lauretën në emision, duke i lënë kohë vajzës që të vendosë.
Ai është shprehur se vetëm ajo mund t’i japë kuptim jetës së tij.
Meliku: Unë di që vetëm ti mund të jesh kuptimi i jetës time. Dua të them që unë këtu jam vetëm për ty. Deklarohem sot, para gjithë Shqipërisë, gjithë studios, që dua të njoh vetëm ty.
View this post on Instagram
Laureta nuk e priste një deklarim nga ana e tij, edhe pse u gëzua, ndërsa nuk dihet nëse ajo do të vendosë që të jetë vetëm për të në emision.
Më pas ata kërcyen nën tingujt romantikë të muzikës dhe dekorit të mrekullueshëm.
Rikujtojmë se Meliku ka pasur debate shumë të forta me Fjorin. Shkak i këtij konflikti u bë fakti se, së fundmi një video nudo e Fjorit ka qarkulluar në rrjetet sociale. Kjo gjë është kthyer në temën e diskutimit që ka sjellë ofendime të rënda dhe fjalëve të ashpra mes Fjorit dhe Melikut në studio.
Fillimisht, ishte Meliku ai që i përmendi videon. Kështu, kjo gjë ka sjellë dhe reagimin e Fjorit, e cila u ngrit e revoltuar dhe tentoi t’i afrohej atij për ta goditur. Megjithatë, ajo nuk arriti ta godiste, pasi konkurrentët e tjerë ndërhynë menjëherë duke mos lejuar që situata të agravonte.
