Kevini dhe Xuxi kanë pasur një debat të ashpër mbrëmjen e kaluar, i cili përshkallëzoi në të bërtitura dhe ofendime. Shkaku i konfliktit ishte shqetësimi i vazhdueshëm i Kevin ndaj Xuxit, i cili po përpiqej të flinte i qetë.
Përplasja e tyre nuk i ka shpëtuar vëmendjes së Vëllait të Madh, i cili ka vendosur t’i ndëshkojë të dy banorët. Ata janë dërguar në dhomën e surprizave, ku do të qëndrojnë për 24 orë pa kontakt me pjesën tjetër të shtëpisë.
Rregullat e ndëshkimit janë të qarta: Kevini dhe Xuxi mund të dalin nga dhoma vetëm për të përdorur banjën, ndërsa për ushqimin do të varen nga vullneti i banorëve të tjerë. Ky ndëshkim pritet të vërë në provë durimin dhe bashkëpunimin e tyre.
