Kjo temë u komentua me deklarata të forta dhe tone të lartë nga të ftuarit, nga ku s’ mungoi dhe një përplasje mes vetë dy pjesëtarëve të komunitetit LGBT.
Graciano Merko “u kap” me Xheni Karaj, pasi sipas tij nuk është normale në sytë e Zotit të kesh këtë orientim seksual.
Më tej ai shtoi se nuk do të donte kurrë që fëmijët e tij të kishin orientim seksual si ai vetë.
“S’ dua të paragjykoj, por s’ është normale në sytë e Zotit. S’ e njeh as bibla e as kurani. Prindërit e mi më kanë pranuar, por s’ janë të lumtur dhe unë kurrë s’ iu çoja një partner burrë në shtëpi”, sqaroi ai.
Ndërkohë opinionisti Elton Saraseli nuk ishte dakord me Xheni Karaj, madje i cilësoi “viktimizime” pretendimet e komunitetit LGBT se nuk trajtohen mirë në shoqëri.
Xheni Karaj nga ana tjetër i tha Bietës se pse u jep hapësirë mediatike personave të tillë, ndërsa Bieta i tha se të njëjtën gjë i thonë edhe asaj kur fton anëtarë të komunitetit.
