Ende pa përfunduar Kampionati Botëror i Futbollit, që po mbahet në Rusi, janë përcaktuar edhe datat se kur do të mbahet Botërori i ardhshëm.
Presidenti i Fifa-s Gianno Infantino ka deklaruar se në vitin 2020, Kupa e Botës që do të zhvillohet në Katar, do të mbahet gjatë stinës së dimrit, pikërisht nga data 21 nëntor deri në 28 dhjetor.
“Datat janë vendosur, Kupa e Botës do të luhet nga 21 nëntori deri në 28 dhjetor 2022. Të gjitha ligat janë informuar dhe duhet të programojnë kalendarin sipas këtyre datave. Në muajt në vazhdim, do të mblidhemi sërish për të konfirmuar se sa skuadra do të marrin pjesë. Konfederata e Amerikës së Jugut ka kërkuar të jenë 48 ekipe, si në Botërorin që do të zhvillohet në 2026, por mbetet ende për t’u vendosur nëse kaq ekipe do të jenë edhe në Katar” – deklaroi Infantino.
Mbrëmjen e së dielës do të mbahet edhe ndeshja finale mes Francës dhe Kroacisë për Kupën e Botës 2018.
