Modelja e famshme Bella Hadid feston sot 22-vjetorin e lindjes. Ajo ka marrë urime të shumta nga miqtë e familjarët e saj, por urimin më të veçantë e ka marrë nga i dashuri, këngëtari The Weeknd.
Fituesi i Grammy-it ishte i pari që uroi “engjëllin” e tij direkt pas mesnate me një postim romantik në Instagram. 28-vjeçari postoi video e foto që nga fillimet e lidhjes së tyre në vitin 2015, momente intime që nuk ishin publikuar kurrë më parë.
“Gëzuar ditëlindjen engjëll” – shkruan The Weeknd në postimin e tij.
https://www.instagram.com/p/BosyinqDQbm/?taken-by=theweeknd
Duket se Bella dhe The Weeknd kanë përjetuar momente magjike në lidhjen e tyre dhe vazhdojnë të jenë të lumtur si kurrë më parë. Ata kanë vetëm disa muaj që janë rikthyer bashkë, pasi The Weeknd i dha fund lidhjes me Selena Gomez.
