Reshjet e dendura kanë vijuar prej ditësh duke shkaktuar përmbytje në zona të ndryshme. Autoriteti Rrugor Shqiptar ka bërë pasqyrimin e situatës së rrugëve në vend në një kohë kur vendi është pushtuar nga reshjet e shiut dhe dëborës. Mësohet se në qarkun e Kukësit dhe Tropojës gjatë gjithë natës ka pasur reshje dëbore, por qarkullimi vazhdon si normalisht. Ndërsa në aksin Berat-Çorovodë, në segmentin Strelcë-Moglicë, por pa sjellë probleme me qarkullimin.
Nëpërmjet një statusi në faqen zyrtare në “Facebook”, ARRSH bën me dije se autoritetet janë duke punuar për pastrimin e rrugës.
Megjithatë ka pasur edhe incidente të vogla, në aksin Elbasan-Librazhd dhe Gramsh-Moglicë ka pasur rënie gurësh e inertesh për shkak të reshjeve të shumta. Ndërsa në Njësinë Administrative Orenjë të Bashkisë Librazhd po punohet nga ana e OSHEE për riparimin e defekteve në furnizimin me energji elektrike.
Statusi:
Njoftim mbi gjendjen e akseve kombëtare:
Gjatë natës ka pasur reshje bore në qarkun e Kukësit dhe të Tropojës është punuar për pastrimin e rrugës dhe shpërndarjen e kripës, qarkullimi vazhdon normalisht.
Po punohet me mjete e punëtorë në aksin Elbasan-Librazd pasi ka rënie të inerteve në rrugë, qarkullimi bëhet me dy kalime.
Po punohet në Berat-Çorovodë, në segmentin Strelcë-Moglicë, por pa sjellë probleme me qarkullimin.
