Pas stuhisë së rrezikshme “Ciara” ku ndërruan jetë disa persona, Britania e Madhe është goditur nga një tjetër stuhi.
Bëhet fjalë për stuhinë “Denis”, e cila është kthyer në makth për vendasit dhe ka shkaktuar shumë përmbytje.
Mediat e huaja shkruajnë se stuhia “Denis” është më e fuqishmja e 200 viteve të fundit dhe përmbytjet janë të mëdha.
Forcat e emergjencës, prej ditësh ndodhen në terren duke u përpjekur të shpëtojnë ç’të munden, megjithatë situata është shumë problematike.
Digat janë kthyer në ujëvara në Britaninë e Madhe për shkak se ujëmbledhësit janë mbushur në maksimum.
Për fat të mirë nga stuhia “Denis” nuk raportohen viktima, por vetëm dëme materiale.
