Prej dy ditësh qyteti i Venecias është nën sundimin e ujit.
Niveli i tij ka arritur sasinë maksimale dhe tani ka përmbytur të gjithë qytetin.
Uji ka arritur nivelin e mbi dy metrave dhe kjo është përmbytja më e madhe që ka parë kjo zonë në 50 vitet e fundit.
Nga fotot që po qarkullojnë në internet shihet se zonat më të bukura turistike janë të mbushura me ujë dhe shumë turistë janë të bllokuar.
Sheshi “San Marko”, një nga pjesët më të ulëta të qytetit, është zona më problematike për momentin.
Deri tani mediat italiane raportojnë për dy persona të vdekur, megjithatë numri mund të ndryshojë.
Dy personat që kanë ndërruar jetë banoni në ishullin Pellestrina, një rrip i hollë toke që ndan lagunën e Venecias nga deti Adriatik.
Një burrë gjeti vdekjen pasi po nxirrte me pompë ujin nga shtëpia e tij, ndërsa personi tjetër u gjet i vdekur.
