Aktorja Ruby Rose po kalon një situatë jo të mirë psikologjike dhe shëndetësore. 31-vjeçarja ka treguar se një reaksion alergjik i ka shkaktuar asaj një dëmtim të fytyrës, por më shumë sesa dëmtimi po e vret opinioni i njerëzve rreth saj.
Ruby ka publikuar ditën e hënë në “Instagram” një postim ku tregon betejën e saj me aknet duke iu thënë fansave se ajo është thjesht një njeri.
“Po, ta shpif… por nuk di pse të tjerët i shqetëson kaq shumë kjo gjë. Por jam një njeri, kështu që ndodh. Një anë e fytyrës është e pastër dhe tjetra është me akne”, shkruajti ajo.
Aktorja ka shpjeguar edhe arsyen se përse fytyra e saj është në këtë gjendje.
“Dermatologu ka thënë se ky reaksion është për shkak të baktereve nga intervistat në telefon dhe një reaksion nga jastëku i një hoteli. Këto akne më përkasin mua, jo atyre dhe jeni të mirëpritur të komentoni”: ka shkruar Ruby.
