Reperi shqiptar Azet është përfshirë në një sherr masiv mbrëmjen e djeshme.
Burime për Prive.al rrëfejnë se ngjarja ka ndodhur në parkingun e hotelit Garden në kryeqytet, ku dy palët që po qëndronin në hotel u konfrontuan me njëri-tjetrin.
Azet, i cili ishte me shoqërinë e tij në njërën anë dhe disa shqiptarë me banim në Zvicër në anën tjetër, u përleshën mes tyre.
Në vendin e ngjarjes mbërritën forcat policore, përfshirë ato të njësisë speciale që bënë bastisje në makinat e shtrenjta të grupeve dhe dhomat e gjumit.
Jo zyrtarisht, mësohet se janë gjetur në cilësi të provave materiale shkopinj bejsbolli.
Megjithatë sherri përfundoi pa të arrestuar e pa mosmarrëveshje të ngelura peng.
Azeti performoi mbrëmjen e djeshme në një club në Prishtinë dhe madje publikoi edhe disa video ku shihej në shoqërinë e aktorit Blerim Destani.
