Një ngjarje e rëndë ka tronditur Prishtinën ditën e sotme pasi përgjatë një përleshjeje mes dy grupeve në kryeqytetin kosovar, janë shënuar të shtëna me armë zjarri.
Nga të shtënat në lagjen “Dardania” mësohet se ka mbetur i plagosur menaxheri i shtëpisë diskografike “On Records”, Met Elshani, i cili menaxhon ndër të tjerë reperin Fero.
Sipas “Indeksi Online”, Elshani ka marrë dy plagë me armë zjarri në këmbë.
Policia ka mbërritur menjëherë në vendngjarje dhe ka nisur hetimet për incidentin e rëndë, ndërkohë që ende nuk dihet diçka mbi gjendjen shëndetësore të Elshanit.
Sakaq, portali “Arbresh.info” bën me dije se në konfikt është përfshirë grupi i mbështetësve dhe miqve të reperit Fero, i cili njihet për marrëdhënie të tensionuara me reperë rivalë.
Megjithatë, vetë reperi nuk ka bërë të ditur asgjë dhe situata mbetet ende për t’u verifikuar.
