Për të gjitha vajzat fanse të reperit të famshëm shqiptar Capital T, sot mund të jetë një ditë jo dhe aq e bukur.
Ndonëse reperi ka vite në tregun muzikor shqiptar dhe është një ndër emrat më të lakuar, përsa i përket jetës së tij private nuk dihet thuajse asgjë… deri më sot.
Kjo pasi së fundmi, portali “arbresh.info” ka siguruar një foto të shkrepur mbrëmjen e djeshme, ku Capital T, shihet në një makinë luksoze përkrah një vajze bukuroshe.
Por teksa dyshohet se vajza brune mund të jetë e dashura e re e reperit që është hermetik përsa i përket jetës së tij sentimentale, ende nuk dihet asgjë për identitetin e saj.
Në foton në fjalë, dyshja shihet duke qeshur, me siguri të pavetdijshëm se përballë diksh po i fotografonte.
Megjithatë, mbetet për t’u parë nëse Capital T do ta komentojë këtë foto, që duket të jetë hera e parë që e shohim reperin pranë një “të dashure potenciale”.
