A mund të infektohemi me Koronavirus përmes parave?
Qarkullimi i tyre dorë më dorë e bën të frikshme të mendosh se dikush i infektuar me Koronavirus mund të ketë pasur kartëmonedhën që qëndron në portofolin tonë.
Për këtë ka folur sot vetë Guvernatori i Bankës së Shqipërisë Gent Sejko, në emisionin “Opinion”:
“Kemi konfirmim sot nga Organizata Ndërkombëtare e Kartëmonedhës, që njoftoi edhe OBSH-në, se kesh-i trajtohet si të gjitha sipërfaqet e tjera, nuk është përhapës i sëmundjes. Nuk është element që kërkon alerte të veçanta, nuk ka nevojë për dezinfektim”.
Sot u mor vendimi për shtyrjen me tre muaj të kredive financiare, për t’iu ardhur në ndihmë individëve si dhe bizneseve.
“Do të ketë shtyrje për të gjitha kategoritë si biznese dhe individë për një periudhë 3-mujore. Me masat që janë marrë shumë biznese janë mbyllur dhe në këtë situatë u japim një mundësi bizneseve që të mos goditen nga kjo situatë. Nuk ka falje por shtyrje të këstit”, u shpreh guvernatori.
