Ylli i Realit të Madridit, Cristiano Ronaldo, ditën e diel u bë pjesë e një incidenti në fushë. Gjatë ndeshjes me Deportivo La Coruna ai mori një goditje në fytyrë nga Fabian Schar.
Pamja e futbollistit të gjakosur në mes të fushës shkaktoi reagime në stadium, ndërkohë që të pranishme ishin e dashura dhe nëna e tij, Georgina dhe Dolores, të cilat nga fotot e publikuara duken shumë të trembura.
Edhe pse dëmtimi në fytyrën e Ronaldos ishte i thellë, ai menjëherë iu nënshtrua kujdesit të mjekëve të cilët morën situatën në kontroll dhe gjendja e futbollistit 32-vjeçar u stabilizua.
