Derbi i kryeqytetit Tirana-Partizani është përgjakur pak para fillimit të ndeshjes.
Ndeshja ka degjeneruar në përplasje dhe dhunë mes tifozëve bardheblu dhe atyre të kuq.
“Shqiptarja.com” sjell pamjet e dhunës mes tifozëve, ku disa prej tyre janë përgjakur si pasojë e përplasjes.
Rreth 45 minuta para nisjes së ndeshjes tifozët e dy ekipeve pas ofendimeve kanë zbritur në fushë në pjesën pas portës duke u përplasur mes tyre me grushte, shkelma, flakadanë dhe sende të forta.
Është dashur ndërhyrja e forcave të rendit për të qetësuar gjendjen, ndërsa në gatishmëri është edhe FNSH-ja.
Pavarësisht incidentit të shëmtuar, Partizani udhëheq me dy golat e shënuar nga Corderon në të 28′ dhe Solomon në të 34′.
