Ajo që kishim paralajmëruar disa ditë më parë, mund të vijë së shpejti!
Para pak ditësh, “iconstyle.al” zbuloi se Capital T kishte bashkuar forcat për një projekt të ri muzikor me një tjetër reper të suksesshëm. Bëhet fjalë për Kidda, i cili në korrik të vitit të shkuar publikoi këngën “Malli”, që rezultoi një hit i vërtetë. “Iconstyle.al” siguroi një pjesë nga xhirimet e këngës së re të dy reperëve, ku ata shfaqeshin duke kërcyer me disa balerina në rrugët e Gjirokastrës.
Ndërkohë sot dyshja kanë zbuluar detaje të tjera nga ky projekt muzikor. Kidda ka publikuar në Instagram, një foto me Capital T dhe ka zbuluar se kënga e tyre do të mbajë titullin “Magji”. Fotoja po ashtu është bërë në Gjirokastër dhe dyshja duket se kanë zgjedhur qytetin e gurtë për të xhiruar gjithë klipin e tyre. Ndërkohë sa i përket publikimit nuk ka ende një datë, por e sigurt është që nuk do të vonojë shumë.
View this post on Instagram
Sa i përket anës profesionale, Capital T ka qenë aktiv këtë vit. Në muajin mars ai publikoi këngën “Diego”, ndërsa para disa javësh lançoi projektin “Rrushe”, që është kolonë zanore e serialit me të njëjtin titull.
Ndërsa Kidda në 13 mars publikoi këngën “Pale” në bashkëpunim me Dardan.
