Presidenti Donald Trump njoftoi ditën e djeshme se ai dhe gruaja e tij kishin rezultuar pozitivë me koronavirus, në mes të fushatës zgjedhore për zgjedhjet presidenciale.
CNN shkroi se diagnoza përbën një kërcënimin të rëndë shëndetësor për një president amerikan që është 74 vjeç, dhe rrjedhimisht Trump hyn në kategorinë më të lartë të rrezikut për komplikime serioze nga sëmundja, e cila ka vrarë më shumë se 200,000 amerikanë dhe më shumë se 1 milion njerëz në të gjithë botën.
“Sonte, @FLOTUS dhe unë rezultuam pozitivë me COVID-19. Ne do të fillojmë procesin e karantinës dhe rimëkëmbjes menjëherë. Ne do ta kalojmë këtë BASHKË!”, shkroi Trump në Twitter.
Presidenti i Shteteve të Bashkuara ka përfunduar në spital për një trajtim më intensiv dhe deri tani gjendja e tij po shkon mirë.
Madje, ai ka publikuar një status në Twitter, ku tregon se gjithçka po shkon mirë.
“Jam i lumtur t’ju them se deri tani gjendja e presidentit po shkon mirë. Nuk ka nevojë për oksigjen, por gjatë një konsulte me specialistt kemi zgjedhur të trajtohet me terapinë e Remdesivir. Dozën e parë e ka bërë dhe po pushon i qetë.”- ka treguar mjeku i Trump, i cili shton se presidenti do të qëndrojë në spital edhe disa ditë të tjera.
