Fjoralba Ponari, përveçse një vajzë shumë e bukur dhe me një zë kaq të adhurueshëm, na tregoi vite më parë kur konkurroi në “The Voice of Albania” se ishte e lindur për televizion.
Brenda pak kohësh asaj ju besuan një sërë programesh në Top Channel, si: “The Voice”, “Procesi sportiv”, “Ora e Tiranës”, “E diell”, duke u kthyer në një prej figrava më të dashura për publikun shqiptar.
Tashmë asaj i është besuar një emision. Fjoralba prej pak javësh ka nsiur në ekranin e “Top Channel” emisionin “Më thuaj një dëshirë” dhe deri tani na ka dhuruar emocione të forta.
Pas gjithë këtij angazhimi duket se Fjoralba ka marrë një pushim nga “E diell”. Madje, puntata e fundit e “Beauty” ka qenë edhe finalizimi i rrugëtimit të saj 2-vjeçar në “E Diell”.
Teksa ka ndjekur në ekran puntatën e fundit të këtij emisioni, ajo s’mund të rrinte pa i ndarë me publikun ndjesitë e falenderimet e saj.
“Sot, teksa ndiqja nga ekrani finalen e “Beauty-t”, më pushtuan rrufeshëm sekuenca episodesh, momentesh, ndjesish… sepse bashkë me “Beauty-n”, sot finalizova në mënyrën më të mirë të mundshme dhe një eksperiencë timen 2-vjeçare me “E Diell”, emisionin që gjithmonë do të mbajë një vend special në zemrën time. Një program që më ka ndihmuar e që i kam marrë maksimumin teksa rritesha jo vetëm në profesion, por edhe si njeri. Për këtë i jam pafund mirënjohëse familjes “E Diell”- ka shkruar Fjoralba.