Një ndër rrjetet sociale më të përdorura në mbarë botën, Instagram, ka ardhur me ndryshime rrënjësore muajt e fundit.
Disa javë më parë, drejtuesit e tij vendosën të hiqnin opsionin “Following”, ku mund të shihje aktivitetin e personave që ti ndjek në Instagram.
Tashmë askush s’mund të spiunojë dot se ç’bën tjetri dhe madje s’do të shohim më as sa like (pëlqime) merr secili prej nesh!
Drejtuesi i Instagram, Adam Mosseri, njoftoi se javën që vjen, rrjeti social do të heqë opsionin “Like” dhe askush s’mund të shohë më sa pëlqime ka tjetri në Instagram.
Megjithatë, secili mund të shohë numrin e pëlqimeve të veta.
Ky vendim vjen për të ulur presionin në Instagram dhe për të shmangur ndjesinë e konkurrencës me dikë tjetër.
Mosseri u shpreh se ata po përpiqen t’i lejojnë njerëzit ta shijojnë platformën pa u shqetësuar nëse dikush duket më mirë, apo ndiqet dhe pëlqehet më shumë.
Ky opsion do të hiqet fillimisht në Shtetet e Bashkuara, për të vazhduar më pas në çdo vend tjetër.
