Joe Biden u zgjodh presidenti i 46-të i Shteteve të Bashkuara të Amerikës, duke mposhtur kështu Donald Trump.
Biden grumbulloi 306 vota të Kolegjit Elektoral, ndërsa Trump 232 të tilla, ndërkohë që votat e nevojshme për t’u shpallur fitues ishin 270.
Mirëpo, Trump nuk e ka pranuar humbjen dhe për ditë me radhë ka bërë deklarata të forta, duke kërkuar rinumërimin e vota.
Kolegji Elektoral i cili përbëhet nga të zgjedhurit për çdo shtet dhe mund të vendosë rezultatin përfundimtar, ka votuar Biden me 55 vota elektorale.
Ky i fundit ka mbajtur një fjalim ku është shprehur se asgjë nuk do ta shuajë flakën e demokracisë.
“Në Amerikë, politikanët nuk e marrin pushtetin, populli ua jep atë. Flaka e demokracisë ishte ndezur në këtë komb shumë kohë më parë. Dhe tani e dimë që asgjë, madje as një pandemi ose abuzim i pushtetit, nuk mund ta shuaj atë flakë. ”
Më herët, Trump u shpreh se e vetmja mënyrë për të “liruar” Shtëpinë e Bardhë do të ishte nëse Kolegji Elektoral do ta shpallte “humbës”.
