Pas fitores së tij në “Big Brother VIP Albania 4”, në rrjet qarkulloi me shpejtësi lajmi se Gjesti mund të performonte në “Arenën Kombëtare” më 7 qershor, në sfidën mes Shqipërisë dhe Serbisë, e vlefshme për kualifikueset e Kupës së Botës 2026.
Spekulimet ndezën rrjetin, duke u përhapur si zjarr, por zyrtarët e Federatës Shqiptare të Futbollit i kanë dhënë fund çdo hamendësimi.
Në një deklaratë për emisionin “Sports” në Kosovë, ata sqaruan se nuk ekziston asnjë plan i tillë dhe se informacioni është i pavërtetë. Gjesti mund të jetë në tribunë si spektator, por jo në skenë si performues.
Kështu, dilema e fundit që ka bërë xhiron e rrjeteve sociale, mbyllet zyrtarisht.
