Yjet me famë botërore, Jennifer Lopez dhe Shakira ishin qershia mbi tortë e mbrëmjes spektakolare të “Super Bowl”.
Këngëtaret dhuruan një shfaqje ashtu siç vetëm ato dinë në çdo pushim mes pjesëve të ndeshjes.
Performanca e hyrjes ishte më e bukura që ishte parë ndonjëherë dhe vajzat ngritën publikun në këmbë.
Energji, kërcim, dhe plot muzikë të mirë.
Dy këngëtaret u ngjitën në skenë me një qëllim të përbashkët, për të elektrizuar publikun dhe ia dolën më së miri.
Artistet performuan këngët e tyre më të njohura dhe sigurisht bashkë me to këndoi edhe publiku.
Performanca e tyre u vlerësua edhe nga artistët e tjerë, Lady Gaga tregoi në Twitter se kjo ishte gjëja më e bukur që kishte parë kohët e fundit.
Fitues i “Super Bowl” u shpall Kansas City pas 50 vitesh, hera e fundit që Kansas fitonte një finale të “Super Bowl” ishte viti 1970.
