Dy shqiptarë të moshës, 21 dhe 23 vjeç, janë arrestuar nga Policia greke, pasi akuzohen se kanë përdhunuar një turiste. 23-vjeçarja nga Findlanda ka denoncuar në Polici dy të rinjtë, të cilët e kanë përdhunuar në port. E reja ishte paraqitur në spitalin e Kretës dhe ndodhej në kujdesin e mjekëve. Sipas saj, dy shqiptarët edhe e kanë filmuar aktin.
Media lokale “ekriti.gr” raporton se vëzhgimi i kamerave të sigurisë dhe veprimeve të tjera hetimore i lejuan punonjësve të Autoritetit Portual të identifikonin dy personat e dyshuar për përdhunimin. Menjëherë dy shqiptarët janë arrestuar nga policia mëngjesin e sotëm. Të dy kanë deklaruar në dëshmitë e tyre se akti është kryer me pëlqimin e vajzës.
