Gjykata e Kukësit ka dhënë sot vendimin për dy vëllezërit të cilët akuzohen për përdhunimin e një 20-vjeçareje me probleme mendore dhe fizike nga Kosova.
Ata do të qëndrojnë në burg deri në përfundim të hetimeve, ndërsa mësohet se gjatë seancës gjyqësore vëllezërit nuk kanë folur.
Ngjarja ka ndodhur fundjavën e kaluar, ku të rinjtë kanë rrëmbyer vajzën prej të premtes dhe kanë abuzuar me 20-vjeçaren.
Dy ditë më parë u raportua se policia kishte arrestuar dy vëllezërit që kishin abuzuar me të renë, por babai i vajzës shprehej se i dyshuari kryesor është ende i lirë.
“Gjendja e saj njëherë mirë jo. E kanë marrë do të Kukësit atje dhe çka po di unë ato mënyrat e tyre çka kanë dashtë me bë. Atje i kanë nxënë. Dy i kanë burgosë dje edhe njëri është në kërkim. Ai bash kryesori është në kërkim”, ka thënë M., Berisha.
“E kanë pru mbrëmë. Në ora 02:00 të mëngjesit jam kthy në shtëpi. Kemi ardh me Polici. Policia e Kukësit na kanë pru deri këtu. Tani kanë dalë të Kosovës e kanë marrë këtu, e kanë çu te mjekët”, vijon ai.
20-vjeçarja me probleme mendore dhe paaftësi fizike, nga fshati Volljakë i Klinës ishte zhdukur të premten në mëngjes. Lajmi.net shkruan se ajo ishte zhdukur edhe para më shumë se një viti, ndërsa kur ishte gjetur nga Policia, kishte tentuar t’i vinte flakën vetes.
/Iconstyle.al
