Me 27 shtator, një ngjarje e rëndë tronditi mbarë opinionin publik, pasi babai 41-vjeçar shqiptar kishte abuzuar seksualisht me vajzën e tij me aftësi të kufizuara. Ngjarja e rëndë kishte ndodhur në Amfisa, Greqi.
Ishin mjekët në Greqi, që zbuluan skandalin në familjen shqiptare. Vajza u dërgua në spital si pasojë e dhimbjeve të mëdha dhe mjekët mësuan se 16-vjeçarja kishte mbetur shtatzënë. Menjëherë u njoftua policia dhe u bë testi i ADN-së i cili zbuloi se vajzën e kishte përdhunuar babai i saj.
Babai “monstër” është arrestuar nga policia greke dhe vijon të qëndrojë pas hekurave. Media greke “espressonews.gr” zbulon se 41-vjeçari u ka rrëfyer hetuesve se kur është kryer incesti kishte qenë aq i pirë saqë kishte humbur kontaktet me realitetin. Ai u shpreh se nuk mund të kontrollonte sjelljen dhe ngjarjen nuk e kujton mirë. Ndërkohë që avokati i tij ka kërkuar që të vizitohet mendërisht 41-vjeçari.
