Zbardhen detaje të reja lidhur me ngjarjen e Pogradecit, ku një e mitur është abuzuar seksualisht nga një 46-vjeçar, Blerim Bizgjoni.
Gazetarja Lorena Kodra ka bërë me dije se shtysë për denoncimin është bërë një bisedë mes vajzës së 46-vjeçarit dhe të abuzuarës. Mësohet se 46-vjeçari e ka kërcënuar vajzën në mënyrë që ajo mos ta denonconte në Polici, duke i thënë se kishte mik një prej “kokave” të efektivëve të qytetit.
“Kam një prej drejtuesve kryesor në polici timin dhe askush nuk do të pranojë ty një denoncim”.
Pas tij, ka qënë vajza e 46 vjeçarit ajo që ka zbuluar mardhënien e shoqes së saj me babain e saj, dhe i kishte kërkuar të miturës që të hiqte dorë prej tij. Duke i shpjeguar situatën e vështirë në të cilën ndodhej, e mitura është shprehur se nuk ka pasur mundësi që të shkëpusë marrëdhënien me të, duke i kërkuar ndihmë.
BISEDA E TRANSKIPTUAR:
Vajza e 46-vjeçarit: Hiq dorë nga marrëdhënia me babain tim.
E abuzuara: Unë nuk mundem, më ndihmo dhe nuk do ta denoncoj në polici
Vajza e 46-vjeçarit: Unë nuk i them dot gjë babait, ai është shumë i dhunshëm me mua dhe nënën, thuaja ti.
E abuzuara: Nuk mundem
Më pas të dyja kanë dalë nga shtëpia dhe kanë marrë operativin e zonës për ta takuar.
E mitura, vetëm 13 vjeç, mund të mos ketë qënë viktima e vetme e Blerim Bizgjoni. Hetimet për 47-vjeçarin janë “shtrirë” edhe më gjerë, pasi e mitura deklaroi në Polici se në momentin që shkoi në banesën e Blerimit, një tjetër vajzë ishte aty.
Ndërsa fqinjët e tij po ashtu kanë pohuar se një tjetër vajzë para 13-vjeçares qëndronte në shtëpi por nuk e dinin marrëdhënien që autori ka pasur me të. Të tjera burime nga grupi hetimor bëjnë me dije se 46-vjeçari po përgatiste terrenin për ta trafikuar të miturën jashtë vendit, megjithatë edhe kjo pistë u mbetet hetuesëve për ta zbardhur.
Kujtojmë se sot u zbulua se Blerim Bizgjoni ka abuzuar seksualisht për më shumë se 1 muaj me një vajzë 13-vjeçare, e cila jetonte në varfëri dhe abuzuesi shkoi dhe bindi prindërit që ta merrte në banesë, me pretekstin se do të kujdesej për të. E ëma e lejoi të bijën të qëndronte tek Bizgjoni, me të cilin kishin edhe lidhje krushqie, pasi edhe vajzat ishin moshatare.
/dosja.al
