Një ngjarje e rëndë ka tronditur vendin ditën e djeshme. Një 11-vjeçare është abuzuar seksualisht nga një mik i të atit të saj, i cili ka shkuar në shtëpinë e tyre.
Ngjarja e rëndë ka ndodhur në kryeqytet, në një familje nga Saranda. Familja nga Saranda, që i përket komunitetit rom jetonte me qira në një nga zonat e Tiranës. Autori, Astrit Terolli është shoku i babait të viktimës 11-vjeçare. Mësohet se ai ka shkuar për vizitë në shtëpinë e mikut të tij dhe kur e ka gjetur vetëm 11-vjeçaren, dhe ka kryer abuzimin me dhunë ndaj saj.
Vajza e mitur më pas u ka treguar ngjarjen prindërve, të cilët kanë bërë denoncimin në polici. 55-vjeçari është arrestuar këtë të mërkurë, ndërkohë që ka nisur hetimi ndaj tij.
Së fundmi ka folur për herë të parë babai i të miturës, e cila u përdhunua nga shoku i tij.
Në një telefonatë për “Top Channel”, ai u shpreh se autori i përdhunimit, Astrit Terolli, njihej me të që ku ai jetonte në Sarandë. Ai tregoi se kur është kthyer në shtëpi e ka gjetur vajzën duke qarë.
“Ai kishte ardhur këtu tek shtëpia e mbaja me lek me bukë, se mblidhte kanaçe. E njihnim në Sarandë, por rrinte në Tiranë. Kur vij në shtëpi hap derën dhe shoh vajzën duke qarë. Më tha doli gjak. Thash mos është prerë me ndonjë gotë dhe e pashë s’kishte gjë. Mos ik nga shtëpia më thotë mua edhe dridhej. Më pas mar nusen në telefon dhe i them kshu, kshu. Nuk më vajti mëndja”, u shpreh babai.
E mitura i ka treguar mamasë së saj se çfarë ka ndodhur me të dhe veprimet që 55-vjeçari Astrit Terolli ka bërë me të.
“Vajta në lokal të pija kafe dhe kur kthehem e shoh nusen që kishte fytyrë tjetër. Ia kishte thënë vajza të gjitha, pastaj marr vajzën dhe mi thotë të gjitha. Një të vajtur me polici dhe të kapnim atë.Vajza është mirë, me mua është”, shtoi më tej ai.
Ndërsa vetë vajza ka treguar se kjo ishte hera e parë që abuzohej seksualisht nga Astrit Terolli, teksa ky i fundit pasi kreu aktin e kishte kërcënuar të voglën.
“Jo vetëm një herë më ka ngacmuar është hera e parë. Ai më kërcënoi, më tha po u tregove prindërve do t’i vras të gjithë.”- tha e mitura.
