Është përcjellë për në banesën e fundit artisti i shquar Maks Velo.
Miq, të afërm dhe personalitete politike e artistike i kanë dhënë lamtumirën shkrimtarit e arkitektit të njohur.
Varrimi i tij është bërë në bazë të rregullave të vendosur për shkak të pandemisë dhe në të kanë marrë pjesë vetëm pak qytetarë.
Piktori dhe arkitekti i njohur shqiptar u nda nga jeta në moshën 84-vjeçare dhe prej ditësh ishte i shtruar në spital pasi vuante nga anemia.
Maks Velo konsiderohej si një nga 175 arkitektët më të mirë në botë.
Ai lindi në Paris në vitin 1935, por më pas së bashku me familjen janë kthyer në Korçë, ku aty ka kaluar edhe fëmijërinë e tij.
